لائن آف کنٹرول پر بھارتی فوج کی جاہریت کم نہ ہو سکی آزاد کشمیر کے آخری گاؤں نالی میں تیرا سالہ لڑکی زخمی

سب ڈویژن سماہنی کے مشرقی کنارے لائن آف کنٹرول کے آخری گاؤں نالی میں 13سالہ اسماء دختر اللہ رکھا بھارتی فوج کی فائرنگ سے زخمی ہو گئی جمعہ کے روز بھارتی فوج نے اپنی وحشیانہ فائرنگ و مارٹر شیلنگ کا سلسلہ سول آبادی پر جاری رکھا گاؤں نالی جو انتظامی طور پر تحصیل برنالہ کا حصہ ہے تاہم زمینی آمد ورفت سماہنی حلقہ ہے زخمی اسماء کو گولی اپنی رہائش گاہ میں لگی جسے دشوار گزار سفری مشکل کے باوجود مقامی رضا کاروں نے ڈی ایچ کیو بھمبر منتقل کیا ادھر بھارتی فوج نے بڑھو ویلی اور چاہی نہالہ سے متصل آبادیوں پر مارٹر شیلنگ کی ہے پاک فوج کی جانب سے دندان جوابی کارروائی کی گئی ہے جس سے بھارتی چوکیوں کو شدید نقصان پہنچا ہے

تازہ ترین اطلاعات کے مطابق وادی سماہنی بھارتی فوج کی فائرنگ سے سرحدی گاؤں نالی میں 13 سالہ بچی اسماء ولد اللہ‎ رکھا شدید زخمی ہو گئی دور دراز انتہائی پسماندہ اور دشوار گزار علاقہ ہونے کی وجہ سے زخمی کو مقامی طور پر ابتدائی طبی امداد کے بعد بھمبر منتقل کیا جا رہا ہے تفصیلات کے مطابق بھارتی فوج کی جانب سے ایل او سی کے نزدیکی علاقوں میں رات اور دن کے مختلف اوقات میں سویلین آبادی پر اندھا دھند گولیاں برسانے کا سلسلہ جاری ہے جسکی وجہ سے ان علاقوں میں لوگوں کی نقل و حرکت محدود اور نظام زندگی مفلوج ہو چکا ہے اقوام متحدہ و انسانی حقوق کی عالمی تنظیمیں نہتے کشمیریوں پر مظالم کا نوٹس لیں۔